تابع إحساس فقير

تابع إحساس فقير
اسالي شباكي الوردي وش اردى بنظري.؟
لاقعدت ألف قبلة بيتكم كني خفير
كنت احاصر غرفتك بجيوش عيني وبصري
كن لي عش بشباكك وكن العين طير
آآآخ لو عشتي انتظاراتي وشفتي منظري
لاسالني جاركم وش بك هنيا تستدير
والمصيبة دايم " عذري مضيع دفتري
يبتسم ويروح وانا مصدق ان عذري خطير
وبس يدخل اسمعة يضحك بصوت مزدري
حنا بالعطلة وصاحبنا على الدفتر سهير
اسالي الجدران عن عجز لا ينقري
اعلم الجدران مالم تعلم في بوح الضمير
اسالي امي عن كدر بالي وضيقة خاطري
لاسالتني ياولد وشبك وردت الزفير
السواد اللي على جفوني من آثار سهري
لو عرفتي كيف كحلني به الليل المرير
كنت لاجا الليل قلطته على الجفن الطري
لين نصبني السهر لعيون خلق الله سفير
وان نفاني للسهر يامترفه حكم قدري
هالسهر ياما نفى لي من ضحاياه الكثير
والبياض اللي تشوفينة تنامى بشعري
من مظاليمه هلال اعرج ونجم مستدير
يارفات الطيش في تابوت الأحلام البري
من خذلني بابداية كيف اصونة بالأخير
مابقى لك غير بعضي واستبيحك باكثري
ضاع مثل النور لما ضاع عن عين الضرير
مثل ماضاعت عصافيرك عن اغصان شجري
مثل ماضاع الأمل عن صبح شباكي الصغير
وما بقى لك غير سالفتي وشعري وصوري
سولفيهن للشموع الحمر والفرش الوثير
للستاير ...الأساور...للحاف السكري
للهدايا..للتحف..للمزهريه للسرير
واوعدك وقت الحصاد اتجاهل الجوع العري
بس لاجل أكتب حروف اسمك بحبات الشعير
ولاجل اعلم هالزمان المستبد العنصري
كيف يحتاج الغني لخبزة
{ إحساس فقير}
اسف على الغلطات الإملائية ان وجدت اتمنى ان تنال اعجابكم

تسلم يمينك على الطرح الرائع
دام عطاؤكــ ونبض قلبكــ
وودي لك