انا إنسان مع نفسي قبل لاكون معك إنسان
لي مبداولي نظره وتحكمني قناعاتي
احاسيسي حقيقه ثابته بالوصل والهجران
انا طبعي اذا جيت ..احب بكل حالاتي
منادي والندى نابع من الوجدان للوجدان
اذا ماينطق احساسي حديثي يشبه اسكاتي
غموض في الهوى تصريح وسره يفضح الكتمان
ونظرات الوله والوجد هي اجمل عباراتي
ولا جامل بحاسيسي ولا قبل في الهوى احسان
ولا للمصلحه ياسيدي دوربعلاقاتي
ولو الغي شعوري مابقى لي صاحب ولا خلان
يرافقني على مر الزمن جرحي ودمعاتي
احب الصدق واعمل به كسبت او كنت انا الخسران
ولو صدقي يخسرني تشرفني خساراتي
رفيق العمر لو تجفى نبض الحرف والشريان
اذا ماغصت باعماقي ..متى تفهم معاناتي
على كثر الخطأغافر ولا اغفر غلطة الاخوان
جزاه الصد والفرقاولو عاند رغباتي
ولو لا العفو ماخطينا ولا نحيا بلا غفران
خطايانا دليل انا بشر ومنا الخطأ ذاتي
على صدر الزمن يكتب شعوري موعد وعنوان
تعرف الشوق لو فتشت عن سر ابتساماتي
اذا كان الهوى نعمه احطك نعمة الرحمن
اذا كان الهوى غلطه احطك كل غلطاتي