مسموح يامن جرحت القلب ودميته
............................................. روّح ترى جرحك اللي فالحشى ذكرى
على سنين المحبه هاذ مهديته
............................................. اجروح وسط الحنايا دمها يجرى
داخل قليبي سكن حبك ولا محيته
............................................. ولاني بماحي محبه صادقه تشرى
بكنوز دنيا ثمينه أهلها ميته
............................................. تحت الثرى كنزها مدفون في حفرى
يصعب على من سعى فيما انا اخفيته
............................................. مع مر الايام خايف ماخفى يدرى
اتعرف وش كثر عشقي يومك ابكيته
............................................. كثر انسكابات دمع العين من حسرى
ابنهي اللي بداه القلب وابديته
............................................. من يوم حبك جروحك جاتني غدرى
ادميتني ياحبيبي قلبي انهيته
............................................. بجروح طعناتك اللي فالحشى تجرى
انسى جروحك وخل من هو ابكيته
............................................. امسامحك روح تبقى لي ولك ذكرى