((قصيدة عن الأم أبكت من لم يبكي))

اقرءوا معي ماكتبه هذا الشاب ,متهور تعرض الى حادث وكانت معه امه,فتوفيت وبقي هو على قيد الحياة وكتب القصيدة هذي ...أبكت من لا يبكي....

يواسيني وأنا الميت وحالي يجبر الدمعات
تسيل من الذي فيني ويبكي وهو يواسيني
وأنا أبكي واتنهد وارسم بالحزن لوحات
يجبروني عشان امشي ورجلي ماتمشيني
قتلت رعايتي بيدي قتلت الحب والرحمات
حرمت النفس من حقها وأنا ابكيها وتبكيني
وكنه حلم قدامي يقيدني من الصرخات
أبي أصحى ولكني عجزت من ال يصحيني
فداك القلب يايمه ومهما قلت من كلمات
صغيره في كبر حقك بس اتمنى تعذريني
نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني
تجول عيونهم فيني تفصل مني قياسات
وتشيح وجوههم عني وكني غيرت ديني
يظنوا حزنهم أكبر وهم أصحاب هالمأساة
وأنا أتحدى اذا فيهم ربع مايحترق فيني
نقص قدري بعد موتك وغابت نشوة اللذات
وصار الهم عكازي اباكيه ويباكيني
عطيتيني بدون حساب ولا سمعتك تقولي هات
وأنا اشرب حيل من دمك ودمك يكفيني
يايمه ارجعي كافي ابجلس معك لو لحظات
وأقبل ايدك ورجلك وأفرش لك رمش عيني
يايمه ماتحملهم يقولوا فات ماقد مات
تعالي غيري هالقول واطيعك باقي سنيني
واترك عادة التدخين وانفذ ماتبي بسكات
وأصلي الفجر في المسجد قبل منتي تصحيني
يايمه ارجعي تكفين وطفي شمعة الآهات
أبيك انتي ولاغيرك على موتك تعزيني
وضميني وداويني مثل ماكانت الهقوات
ماابي احدن يواسيني ابيك انتي تواسيني
دخيلك بس لاتبكي اذا شفتي بي الدمعات
أنا مقوى أبكيك اذا انتي تبكيني...

هذي القصيدة أول مساهمه لي في منتداكم الرائع اتمنى منكم قبولها بصدر رحب

امي لها بالجوف والقلب منزله مكانة ماكل محبوب نالها
اقرب من ظلالي وانا وسط غربتي وانا ترى اقرب لها من ظلالها
ماشافت عيوني من الناس غيرها ولاخلق رب الخلايق مثالها
اغلى بشر في جملة الناس كلهم واكرم من ايدين المزون وهمالها

وربي روووووووووووووووعه جدااااااااااا جدا

ما اجمل معانيها !

ربنا لا يحرمنا من جديدك

((قصيدة عن الأم أبكت من لم يبكي)) 004W0024RaS

» قصيدة الوداع
» قصيدة مئثره جدا
» قصيدة وصورة واحساس