اموت بعزتي أرحم

موضوع: اموت بعزتي أرحم السبت مارس 10, 2012 10:05 pm

كتبت الشعر مو لجلك ولاكن فاض بي بركان
واما انتي فلا تسوين قصيده في نظر عيني
حلفتي لي تصونيني اذا صار الزمن خوان
واول ماعثر حضي على دربك خذلتيني
كسر رمح الزمن صدري وجيتك اشتكي حيران
نزعتي الرمح من صدري وفي ظهري طعنتيني !!
خساره كيف حبيتك ؟؟نعم والله انا ندمان
غبي ادري نعم ادري !مادام انك سكنتيني
ثلاث سنين من عمري وانا في لعبتك غرقان
اشيل الشوك من دربك وجرحي كان يدميني
وكنت ابكي اذا تبكين واكون لبسمتك فرحان
وكنت أقرب من ارموشك لعينك يوم تبغيني
عرفتك للاسف صحراوحولتك الى بستان
وشلتيني غصن اخضر وفي صخرك زرعتيني
حفرتك داخلي.ظني تصوني عشرتي ازمان
وكنت احفر قبر موتي على ساحل شراييني
يحطمني..يبعثرني..وفي صحراك يرميني
ولكن عزتي ترفض اكون بدنيتي سلطان
وإن ظنك اجي اركع لرجلك ماعرفتيني
انا ماعادتي اشحت من امثالك رضى وإحسان
اعيش بعزتي احسن ولا ذلك يغطيني
وما دام الوفا عندك يدوره ورى عنوان
بدورلي على قلب يصون الحب وسنيني
ولو قلبي ذكر حبك بولع فيه بالنيران
وبكسرها انا رجلي اذا صوبك توديني
ولو دار الزمن ضدك وجتني تطلبي الغفران
وجبتي الشمس في كفك لعندي مابتلقيني
تقول الناس في وصفك جميله مثل عود البان
وانك اجمل واحلا بشر مخلوق من طيني
وانك غاليه وثمن من الياقوت والمرجان
يقوم الككون من شانك وتقعد لك بلاديني
حسافه غرهم شكلك وياما تخدع الالوان
عمموا قد بقت كلمه اخيره لك وسمعيني
إذا كنتي بنظر غيري ملاك في شكل إنسان
قسم بالله ماتسوين قصيده في نظر عيني